नक्कली मुद्रासहित १ जना पाकिस्तानी पक्राउ

काठमाडौँ । नक्कली थाई भाटसहित एक जना पाकिस्तानी नागरिक पक्राउ परेका छन् । काठमाडौँ महानगरपालिका-२६ ठमेल नरसिंह चोकबाट नक्कली थाई भाटसहित एक जना पाकिस्तानी नागरिक पक्राउ परेका हुन् ।

प्रहरीले निजलाई पक्राउ गरी बुधबार सार्वजनिक गरेको हो । प्रहरी प्रवक्ता एवं प्रहरी नायब महानिरीक्षक भीमप्रसाद ढकालका अनुसार पाकिस्तानको कराँचीका स्थायी बासिन्दा ३४ वर्षीय शेरदाज खानलाई १ हजार दरको १४ थान थाई भाटसहित नियन्त्रणमा लिइएको हो ।

प्रहरी प्रवक्ता ढकालले भने, ‘ठमेलस्थित गरिमा विकास बैंकबाट नोट साट्ने क्रममा नक्कली नोट बोकेका उनलाई मंगलबार साँझ सादा पोसाकमा परिचालन भएका सुरक्षाकर्मीले पक्राउ गरेका हुन् ।’