पूर्व अर्थमन्त्री सुरेन्द्र पाण्डे बने एमफिलका दुवै सेमेस्टरमा टपर

काठमाडौँ । पूर्व अर्थमन्त्री तथा एमाले उपाध्यक्ष सुरेन्द्र पाण्डेले उत्कृष्ट नतिजासहित एमफिलमा पुरा गरेका छन्। त्रिभुवन विश्वविद्यालयका अनुसार पाण्डे दुवै सेमेस्टरमा सर्वोत्कृष्ट (टपर ) बनेका हुन्।

पाण्डेले ६७ वर्षको उमेरमा राजनीति सँगसँगै अध्यनलाइ पनि निरन्तरता दिएर एमफिल उत्कृष्ट नतिजासहित पुरा गरेका छन् । उनीसँगै  उनकी पत्नी पूर्ण शोभा चित्रकारले पनि  तेस्रो स्थानमा रहेकी छिन। पाण्डेका दम्पतीले शैक्षिक वर्ष २०८०/८१ मा एउटै कक्षामा अध्ययन गरेका थिए। यस दम्पतीले उत्कृष्ट नतिजासहित एमफिल पुरा गरेका कारण उनीहरू सिधै पिएचडीमा छनोट भएका छन् । जसअन्तर्गत एमफिलको तेस्रो सेमेस्टर नै पिएचडीको पहिलो सेमेस्टर सरह हुनेछ।

पाण्डेले यसअघि समाजशास्त्रमा स्नातकोत्तर र अर्थशास्त्रमा स्नातक तथा स्नातकोत्तर पूरा गरिसकेका छन्। लामो समय देखि राजनीतिक जीवनसँगै उनले शैक्षिक क्षेत्रलाई निरन्तरता दिँदै आएका छन्।उनले समाजमा अध्यनलाइ उमेरले असर गर्दैन भनेर प्रमाणित गरेर देखाएका  छन्  । निरन्तर मेहनत गरेर राजनीति सँगै अध्ययनमा पनि सफलता हासिल गरेका पाण्डे समजामा उदारणीय पात्र को रूपमा प्रस्तुत भएका छन्।