अन्डाको भाउ बढ्यो, अब प्रतिगोटा २३ रुपैयाँ पर्ने

काठमाडौं । आज बाट लागु हुने गरि अन्डाको भाउ बढेको छ। नेपाल लेयर्स कुखुरापालक संघले बिहिबार बाट लागु हुने गरि अण्डाको भाउ प्रतिक्रेट १५ रुपैयाँ बढाएको हो।

मूल्य बढेसँगै ठूलो अन्डाको भाउ प्रतिक्रेट ५ सय ४५ रुपैयाँ पुगेको छ । यसअघि ठूलो अन्डा प्रतिक्रेट ५ सय ३० रुपैयाँ थियो ।

यस्तै मिडियम अन्डाको भाउ प्रतिक्रेट ५ सय ३० रुपैयाँ कायम गरिएको छ । यसअघि प्रतिक्रेट ५ सय १५ रुपैयाँ थियो ।यस्तै सानो अन्डाको भाउ भने प्रतिपेटी ३ हजार रुपैयाँ तोकिएको छ ।

यसैगरी उपभोक्ता मूल्य पनि निर्धारण गरिएको छ । उपभोक्ताले अब प्रतिगोटा २३ रुपैयाँ र २ गोटाको ४५ रुपैयाँ मूल्य तिर्नुपर्ने छ ।