अब एटीएमबाट दैनिक ५० हजारमात्र निकाल्न पाइने

काठमाडौँ । नेपाल राष्ट्र बैंकले डेविट कार्डको प्रयोग गरेर एटीएमबाट पैसा निकाल्ने सीमा घटाएको छ । राष्ट्र बैंकले भुक्तानी सम्बन्धी एकीकृत निर्देशन २०८१ लाई संशोधन गर्दै डेविट कार्डको प्रयोग गरी एटिएमबाट निकाल्ने पैसाको सीमा दैनिक एक लाख रहेकोमा त्यसलाई घटाएर ५० हजारमा सीमित गरेको हो ।

त्यस्तै मासिक ३ लाखसम्म निकाल्न पाउने व्यवस्थालाई पनि घटाएर दुई लाखमा सीमित गरेको छ । तर प्रिपेड कार्ड र क्रेडिट कार्डको सीमा भने यथावत् राखेको छ ।

प्रिपेड कार्डमा अहिले दैनिक २० हजार र क्रेडिट कार्डमा स्वीकृत सिमाको १० प्रतिशत रहेको व्यवस्था यथावत् नै रहेको  छ।