नबिलका ‘सेरोमोनियल डेपुटी’लाई सीइओ बनाउने निर्णय लिन आज एनआईसीको बोर्ड बैठक, यौन दुर्व्यवहार केस ढुस !

काठमाडौँ । नबिल बैंकका डेपुटी सीइओ सुजित शाक्यलाई सीइओ बाउने निर्णय लिन आज एनआईसी एशिया बैंकको बोर्ड बैठक बस्ने भएको छ । उनलाई सीइओ बनाउने प्रस्तावसहित बोर्ड बैठक बस्न लागेको हो ।

यता सुजित शाक्यले आफु एनआईसी एशिया जान लागको पुष्टी गरेका छन् । यद्यपी बोर्डमा शाक्यलाई लिएर मत सर्वसम्मत छैन । त्यसैले आजको बैठकले उनलाई सीइओ नियुक्त गरे पनि सो निर्णय सर्वसम्मत निर्णय भने हुने छैन ।

उनी सीइओ भए एनआईसी एशिया बैंक झन् धरासायी हुने चर्चा चलिरहेका बेला, शाक्यलाई नै सीइओ बनाउन बैंकका अध्यक्ष जोडतोडका साथ लाग्नुले दालमा केहि कालो छ कि भन्ने शंका उब्जाएको छ । शाक्य सीइओ बने पनि कम्पनी सचिव दिपेन कार्की भने पदमै रहनेछन् । यौन दुर्व्यवहार केसमा प्रहरी हिरासतसम्म पुगेका उनलाई नयाँ सीइओ आएपछि बर्खास्त गर्ने तयारी बैंकको थियो । तर शाक्यका विषयमा पनि अनेक प्रकरण बाहिर आउने डरले कार्कीलाई पदमै राख्ने सम्भावना बढी देखिएको छ ।

सुजित शाक्य हाल नबिल बैंकमा ‘सेरोमिनियल’ सिनियर डेपुटी सीइओ छन् । पदमा सिनियर डेपुटी सीइओ भए पनि उनी लामो समयदेखि बैंकमा भूमिकाविहीन थिए । कथम कदाजित उनलाई एनआईसी एशिया बैंकले सीइओ नबनाएको खण्डमा पनि उनले बैंक छोड्नुपर्ने राय नबिलका संचालकले दिईसकेका छन् ।

नबिलको तलव खाएर एनआईसी एशिया बैंकका संचालकहरुसँग बैठक बसेको भन्दै उनको केहि साता अघिदेखि नै बैंकभित्र तीब्र बिरोध हुँदै आएको थियो ।