हाकिमको गलत हठले कालोसूचीमा परेको खातामा पनि कारोबार गर्न दिँदा कुमारी बैंक कारवाहीमा !

काठमाडौँ । कुमारी बैंक लिमिटेड नेपाल राष्ट्र बैंकको कारवाहीमा परेको छ । नेपाल राष्ट्र बैंकले जारी गरेको नियम उल्लंघन भएको पुष्टि भएपछि बैंक कारवाहीमा परेको हो ।

राष्ट्र बैंकका अनुसार कालोसूचीमा परेका व्यक्ति, फर्म वा कम्पनीहरूले सूचीबाट फुकुवा नहुँदासम्म रकम जम्मा गर्नेबाहेक अन्य कुनै बैंकिङ कारोबार गर्न नपाउने व्यवस्था छ । तर, कुमारी बैंकले उक्त नियमको पूर्ण रूपमा पालन नगरेको पाइएपछि बैंकलाई कारवाही गरिएको हो ।

बैंक स्रोतका अनुसार बैंककै उच्च अधिकारीले गर्न नै नमिल्ने यस्तो काम गर्न उक्साएका थिए । तर, पछि राष्ट्र बैंकमा परेको उजुरीपछि राष्ट्र बैंकले यो विषय थाहा पाएपछि बैंक कारवाहीमा परेको हो ।