प्रभु बैंकमा ‘शंकास्पद’ टाइमलाइन :  शुक्रबारसम्म बिदा बस्ने कुरै थिएन, विहानै एक्कासी रश्मीले ७ दिनलाई बिदा लिईन्, दिउँसो हाकिम पक्राउ परे ! 

काठमाडौँ ।  शुक्रबार रश्मी पन्त अफिस सकेर घर फर्किंदासम्म पनि उनी बिदामा बस्ने कुनै सुरसार वा जानकारी कसैलाई थिएन । शनिबार बिदा भईहाल्यो । आइतबार विहान सम्म पनि सबै ठिक थियो । एक्कासी १० बजे तिर प्रभु बैंककि चिफ बिजनेश अफिसर रश्मी पन्त आफु ७ दिनका लागि सुदूरपश्चिमस्थित घर जान लागेको भन्दै बिदा बस्न लागेको इमेल आयो ।

धेरैले केहि पर्यो होला नि त भनेर सोचे । तर, त्यसको केहि घण्टामा सीआईबीको टोली प्रभु बैंकमा आएर, बैंकका सीइओ, डेपुटी सीइओ र कर्जा अधिकृतलाई पक्राउ गरेर लग्यो ।

त्यसपछि बल्ल बैंकरहरुले शंका गर्न थाले । उनले एक्कासी बिदा लिनु सामान्य विदा, वा उनको भैपरि बिदा नभई सूचना सुरुमै पाएर उनी अफिस नगएको शंका धेरैले गरे ।

चर्चा त उनीविरुद्ध पनि पक्राउ पूर्जी जारी भएको थियो भन्नेसम्म चल्यो । तर प्रहरीले त्यसबारे केहि बोलेको छैन । सो चर्चाको कतैबाट पुष्टी हुन सकेन । तर चिफ बिजनेश अफिसर भएकाले सीआईबीले लगेका थुप्रै फाइलहरुमा उनको हस्ताक्षर भएकाले उनलाई पनि अनुसन्धानमा तान्न सक्ने स्थिति रहने अड्कल बैंकभित्रै बाट भयो र भईरहेको छ ।

डेपुटी सीइओ र सीइओ पक्राउ परिसकेपछि अहिले बैंकमा निरज लम्साल कार्यवाहक सीइओ बनेका छन् । बैंक अफ्ट्यारो अवस्थामा छ । तर, यतिबेला पन्त बैंकबाट बिदा लिएर घर बसेकी छिन् ।