प्रभु बैंक प्रकरण : आधा दर्जन बढी कर्मचारी एकैपटक एकैपटक सीआईबी पुगेपछि प्रहरीले छिर्नै दिएन 

काठमाडौँ । प्रभु बैंकका आधा दर्जन कर्मचारी एकैपटक हुल बाँधेर सीआईबी छिर्न खोजेपछि प्रहरीले रोकेको छ । आज ३ बजेपछि भेट्ने समय तोकिएको भन्दै सीइओ, डेपुटी सीइओ र कर्जा अधिकृतलाई भेट्न गएकाहरु भेट्न नपाई फर्केका हुन् ।

सीइओ भेट्न गएका एक कर्मचारीले दिएको जानकारी अनुसार प्रभुका कर्मचारीको ठुलो भीड एकै पटक पुगेको भन्दै ‘माथिको अर्डर छ, स्टाफ भेट्न मिल्दैन’ भन्दै प्रहरीले रोकेको थियो ।

एक साथ धेरै कर्मचारी भेट्न बन्देज लगाइएको सीआईबीले समेत स्वीकार गरेको छ ।

आजै बैंकर्स संघका अधिकारीहरुले भने सीइओ लगायतका कर्मचारीलाई भेटेर ब्रिफिङ्ग लिएका छन् ।