सामान्य घट्यो सुनको मूल्य, चाँदीको मूल्य भने बढ्यो

काठमाडौं । बुधबार नेपाली बजारमा सुनको मूल्य घटेको छ । नेपाल सुनचाँदी व्यवसायी महासंघका अनुसार आज सुनको मूल्य ४ सय रुपैयाँले घटेको हो । यो गिरावटसँगै आज सुनको मूल्य प्रतितोला २ लाख ६७ हजार ७ सय रुपैयाँ कायम भएको छ ।

मंगलबार सुन प्रतितोला २ लाख ६८ हजार १ सय रुपैयाँ कायम भएको थियो ।

त्यस्तै, बुधबार  चाँदीको मूल्य भने बढेको छ । आज चाँदीको मूल्य ५५ रुपैयाँले बढेको हो।मंगलबार ४ हजार ८ सय ८० रुपैयाँमा कारोबार भइरहेको चाँदी बढेर आज ४ हजार ९ सय ३५ रुपैयाँमा कारोबार भइरहेको छ ।