मंगलबार बढ्यो सुनको मूल्य, चाँदीको भने सामान्य घट्यो

काठमाडौँ। साताको कारोबारको तेस्रो दिन मंगलबार सुनको मूल्य बढेको छ।  नेपाल सुनचाँदी व्यवसायी महासंघका अनुसार आज सुनको भाउ तोलामा ९ सय रुपैयाँले बढेको हो।  यो बढोत्तरी सँगै आजका लागि सुनको भाउ प्रतितोला ३ लाख ५ हजार ५ सय रुपैयाँमा कारोबार भइरहेको छ।

कारोबारको अघिल्लो दिन सोमबार सुनको भाउ प्रतितोला ३ लाख ४  हजार ६०० रुपैयाँमा कारोबार भएको थियो।

त्यस्तै, आज चाँदीको मूल्य भने सामान्य घटेको छ । आज चाँदीको मूल्य तोलामा १० रुपैयाँले घटेर प्रतितोला पाँच हजार २४० रुपैयाँ कायम भएको महासंघले जनाएको छ।