मंगलबार सुनको मूल्य बढ्दा चाँदीको घट्यो

काठमाडौँ।  साताको कारोबारको तेस्रो दिन मंगलबार सुनको मूल्य बढेको छ।  नेपाल सुनचाँदी व्यवसायी महासंघका अनुसार आज सुनको मुल्य तोलामा १ हजार ३ सय रुपैयाँले बढेको हो।  यो बढोत्तरी सँगै आज सुनको भाउ प्रतितोला ३ लाख १४ हजार ८ सय रुपैयाँमा कारोबार भइरहेको छ ।

कारोबारको अघिल्लो दिन सोमबार सुनको भाउ प्रतितोला ३ लाख १३ हजार ५ सय रुपैयाँमा कारोबार भएको थियो।

त्यस्तै, आज चाँदीको मूल्य भने घटेको छ । योसँगै आज चाँदीको मूल्य तोलामा ५ हजार ५ सय ८५ रुपैयाँमा कारोबार भएको छ । सोमबार चाँदी प्रतितोला ५ हजार ५ सय ९५ रुपैयाँ कायम भएको थियो ।