एकैदिन ११ हजारले घट्यो सुनको मूल्य

काठमाडौँ। बधबार सुनको मूल्य ह्वात्तै घटेको छ। नेपाल सुनचाँदी व्यवसायी महासंघका अनुसार आज सुनको मूल्य तोलामा ११ हजार रुपैयाँले घटेको हो। यो संगै आज नेपाली बजारमा सुन प्रतितोला ३ लाख १७ हजार ६०० सय रुपैयाँमा कारोबार भइरहेको छ।

कारोबारको अघिल्लो दिन मंगलबार सुन तोलामा ३ लाख २८ हजार ६०० रुपैयाँमा कारोबार भएको थियो ।

त्यस्तै, आज चाँदीको मूल्य पनि घटेको छ। आज चाँदीको मूल्य तोलामा २७५ रुपैयाँले घटेर प्रतितोला ५ हजार ५ सय ४० रुपैयाँमा कारोबार भएको छ । मंगलबार ५ हजार ८ सय १५ रुपैयाँमा कारोबार भएको थियो ।