शुक्रबारदेखि लगातार ५ दिन सार्वजनिक बिदा

काठमाडौं । भोलि शुक्रबारदेखि लगातार ५ दिन सार्वजनिक बिदा हुने भएको छ । आज बसेको मन्त्रिपरिषद् बैठकले भदौ २२ र २३ गते पनि सार्वजनिक बिदा दिने निर्णय गरेसँगै लगातार ५ दिन बिदा हुने भएको हो।

भदौ १९ गते गौरा पर्व र श्रीकृष्ण जन्माष्टमी, २० गते शनिबार नियमित बिदा, २१ गते आइतबार पनि नियमित बिदा, २२ गते रसुवा बाढीमा ज्यान गुमाएकाको सम्मानमा शोक बिदा, २३ गते गत वर्ष भएको जेनजी आन्दोलनका शहीदको सम्मानमा देशभर सार्वजनिक बिदा दिने निर्णय सरकारले गरेको छ।

सो दिन स्कुल, कलेज, बैंक तथा वित्तीय संस्था र सरकारी कार्यलयहरु बन्द रहनेछन् ।