म्याग्दीमा सम्पर्कविहीन युवाको खोजी गर्न सञ्चार सेवा तत्काल सुचारु गर्न सांसद राईको माग
काठमाडौं । श्रम संस्कृति पार्टीका सांसद ध्रुवराज राईले म्याग्दीमा सम्पर्कविहीन भएका युवाको खोजी तथा उद्धारका लागि तत्काल सञ्चार सेवा सुचारु गर्न सरकारको ध्यानाकर्षण गराएका छन् ।
मंगलबार बसेको प्रतिनिधिसभा बैठकमा बोल्दै सांसद राईले म्याग्दीमा प्रधान थरका एक युवा सम्पर्कविहीन भएको जानकारी आएको भन्दै सरकारले तत्काल आवश्यक पहल गर्नुपर्ने बताए ।
उनले बिहानै भोजपुरबाट आफूलाई फोन आएको र म्याग्दीमा हाइट्रे पावरमा काम गर्ने प्रधान थरका एक युवा सम्पर्कविहीन रहेको जानकारी प्राप्त भएको बताए ।
सञ्चार सम्पर्क अवरुद्ध हुँदा घटनाको वास्तविक अवस्था तथा सम्बन्धित व्यक्तिको अवस्थाबारे जानकारी लिन कठिन भएको बताए ।
सांसद राईले सञ्चार सेवा चाँडोभन्दा चाँडो सुचारु गर्न सरकारसँग आग्रह गरे ।
उनले भने, ‘म्याग्दीमा प्रधान थरको एक जना युवा सम्पर्कविहीन हुनुहुन्छ । हाइट्रे पावरमा काम गर्ने मान्छे भनेर फोन आएको थियो। सरकारलाई चाँडोभन्दा चाँडो त्यहाँको सञ्चार सुचारु गर्न ध्यानाकर्षण गराउन चाहन्छु ।’
प्रतिक्रिया दिनुहोस्
