बैंक भित्रै रक्सी खाएर तास खेल्ने एनआईसी एशियाका ३ कर्मचारी बर्खास्त !

काठमाडौं । बैंकभित्र रक्सी खाएर तास खेलिरहेको अवस्थामा भेटिएका एनआईसी एशिया बैँक लिमिटेडका तीन जना कर्मचारी निलम्बनमा परेका छन् । कपिलवस्तु जिल्लाको तौलिहवास्थित शाखामा गत असोज ३१ गते शुक्रबार राती बैंकका शाखा प्रबन्धक निरज भुसालसहितका कर्मचारी रक्सी खाएर तास खेलिरहेको अवस्थामा भेटिएका थिए ।

उनीहरुको हर्कतले सिमा नाघेपछि छिमेकीले प्रहरीलाई खबर गरेका थिए । त्यसपछि उनीहरु पक्राउ परेका थिए । यस विषयमा बैंकले थाहा पाएपछि उनीहरुलाई बैंकले जागिरबाट निकालिदिएको हो । बैंकका अनुसार साखा प्रबन्धक निरज भुसाल, कर्जा विभागका दामोदर अर्याल र कपिलवस्तु एक्सटेन्सन काउन्टरका क्यासियर बिशाल पराजुलीलाई बर्खास्त गरिएको छ ।

उनीहरुको ठाउँमा अन्य कर्मचारी लगिएको छ ।

बैंकका असिष्टेन्ट सीइओ जयन्द्र रावलले उनीहरुलाई बैंकबाट निकालिएको पुष्टी गरे । ‘पहिला स्पष्टिकरण सोधियो । उनीहरुले बैंकभित्र रक्सी खाने, तास खेल्ने लगायतका काम गरेको पाइएपछि बर्खास्त गर्यौं ।’ अर्थ खबरसँग कुराकानी गर्दै रावलले भने ।

यता बैंकले आफ्नै कर्मचारीलाई ललाई फकाई डेटिङ्ग लिएर जाने र जागिर दिलाईदिन्छु भन्दै यौन प्रस्ताव राख्ने दिपेन कार्कीको जिम्मेवारी पनि खोसेको छ । बैंकले उनको ठाउँमा कमल खड्कालाई नियुक्त गरेको छ ।