रिद्धि सिद्धि यातायातद्वारा ‘यात्रा कार्ड’ सेवा शुभारम्भ

काठमाडौँ । सार्वजनिक यातायातलाई आधुनिक र प्रविधिमैत्री बनाउने लक्ष्यसहित रिद्धि सिद्धि यातायात ले ‘यात्रा कार्ड’ सेवा औपचारिक रूपमा शुभारम्भ गरेको छ। डिजिटल भुक्तानीप्रति बढ्दो आकर्षण र नगदरहित कारोबारको विस्तारसँगै यो प्रणाली सञ्चालनमा ल्याइएको हो।

नयाँ सेवामार्फत यात्रुहरूले अब गाडीमा नगद बोक्नुपर्ने झन्झटबाट मुक्ति पाउने भएका छन्। ‘ट्याप एन्ड गो’ प्रणालीमा आधारित यो कार्ड प्रयोग गरी यात्रुहरूले सहज रूपमा भाडा तिर्न सक्नेछन्। यसले दैनिक यात्रालाई छरितो, सुरक्षित र पारदर्शी बनाउने अपेक्षा गरिएको छ । अनुसार सार्वजनिक यातायातमा डिजिटल समाधान विस्तार गर्दै प्रयोगकर्तामैत्री सेवा प्रदान गर्ने लक्ष्य राखिएको छ।

यात्रुहरूले बैंक खाता वा डिजिटल वालेटमार्फत सजिलै कार्ड ‘टप-अप’ गर्न सक्ने व्यवस्था मिलाइएको छ। विशेषगरी विद्यार्थी, कर्मचारी तथा युवा पुस्ताले यस सेवाप्रति उल्लेखनीय चासो देखाएका छन्। खुद्रा पैसाको समस्या अन्त्य हुनुका साथै भाडा कटौतीमा पारदर्शिता आउने भएकाले प्रयोगकर्ताबाट सकारात्मक प्रतिक्रिया प्राप्त भइरहेको छ।

सेवाका मुख्य फाइदाहरूमा नगदरहित यात्रा, समय बचत, भाडा व्यवस्थापनमा पारदर्शिता र सहज प्रयोग प्रमुख रहेका छन्। कन्डक्टर र यात्रु दुवैका लागि प्रक्रिया सरल बनेपछि सेवा प्रभावकारी हुने विश्वास गरिएको छ । रिद्धि सिद्धि यातायातका प्रतिनिधिका अनुसार समयको मागअनुसार डिजिटल समाधान ल्याइएको हो र आगामी दिनमा थप सुधार गर्दै सेवाको दायरा विस्तार गरिनेछ।

डिजिटल नेपालको अवधारणालाई बल पुर्‍याउने यस्तो पहलले अन्य सार्वजनिक सेवाहरूलाई समेत प्रविधिमैत्री बनाउन प्रेरणा दिने अपेक्षा गरिएको छ। अबको यात्राले केवल गन्तव्य मात्र होइन, आधुनिक र स्मार्ट अनुभवसमेत प्रदान गर्ने संकेत दिएको छ।