आइतबार बढ्यो सुनचाँदीको मुल्य, प्रतितोला कति ?

काठमाडौँ। साताको कारोबारको पहिलो दिन आइतबार सुनको मूल्य बढेको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा १ हजार २ सय रुपैयाँले बढेको हो। यो बढोत्तरी सँगै आज सुन प्रतितोला दुई लाख ९३ हजार २ सय रुपैयाँमा कारोबार भईरहेको छ ।

कारोबारको अघिल्लो दिन सुन प्रतितोला दुई लाख ९२ हजार रुपैयाँमा कारोबार भएको थियो।

त्यस्तै, आज चाँदीको मूल्य पनि बढेको छ । आज चाँदीको मूल्य तोलामा ५५ रुपैयाँले बढेर प्रतितोला ४ हजार ८ सय ९५ रुपैयाँमा कारोबार भईरहेको महासंघले जनाएको छ ।