आइतबार बढ्यो सुनचाँदीको मूल्य, कतिमा हुँदैछ कारोबार ?

काठमाडौँ। साताको कारोबारको पहिलो दिन आइतबार सुनको मूल्य बढेको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा ६ सय रुपैयाँले बढेको हो। यो संगै आज सुन प्रतितोला २ लाख ८७ हजार ३०० रुपैयाँमा कारोबार भइरहेको छ।

कारोबारको अघिल्लो दिन शुक्रबार सुन प्रतितोला २ लाख ८६ हजार ७०० रुपैयाँमा कारोबार भएको थियो।

त्यस्तै, आज चाँदीको मूल्य पनि बढेको छ । आज चाँदीको मूल्य ५० रुपैयाँले बढेर प्रतितोला ४ हजार ६ सय ९० रुपैयाँमा कारोबार भइरहेको छ।अघिल्लो दिन चाँदी प्रतितोला ४ हजार ६४० रुपैयाँमा कारोबार भएको थियो।