लक्ष्मी सनराइज बैंकका क्रेडिट अपरेशन हेड रविन्द्र केसीविरुद्ध पक्राउ पुर्जी जारी !

काठमाडौँ। लक्ष्मी सनराइज बैंकका क्रेडिट हेड रविन्द्र केसीलाई पक्राउ गर्न अदालतले अनुमति दिएको छ । ठगी तथा आपराधिक विश्वासघातको कसुरमा अनुसन्धानका लागि केसीलाई पक्राउ गर्न अदालतले अनुमति दिएको हो ।

केसीमाथि लक्ष्मी सनराइज बैंकले ऋण स्वीकृत गरेर पनि ऋण नदिएको तर धितो भने लिलाम गरेको प्रकरणमा मिलेमतोको आरोप छ ।

केसीविरुद्ध अदालतमा ठगी तथा आपराधिक विश्वासघात सम्बन्धी कसुरमा मुद्दा दर्ता भइसकेको छ । केसीविरुद्ध फौजदारी कसुरमा मुद्दा दायर भएसँगै कर्मचारी विनियमावली अनुसार उनी बैंकबाट स्वतः निलम्बनमा परेका छन् ।

केसीसँगै अदालतले बैंकका तत्कालीन सिइओ (हाल प्रभु बैंकका सिइओ) सुमन शर्मा, बैंकका कर्मचारीहरु केदार सिंह, सुबोध जोशीविरुद्ध पनि पक्राउ गर्न अनुमति दिइसकेको छ ।