एनआईसी एशिया बैंकमा सुजित शाक्यको नियुक्ति गैरकानुनी भएको दाबीसहित अख्तियार पुगे बैंकका कर्मचारी, राष्ट्र बैंकको समेत मिलेमतोको आरोप !

काठमाडाैं । एनआईसी एशिया बैंकमा सुजित शाक्यको नियुक्ति गैरकानुनी भएको दाबीसहित एनआईसी एशिया बैंकका सिनियर कर्मचारीहरुले अख्तियार दुरुपयोग अनुसन्धान आयोगमा उजुरी गरेका छन् । उनको नियुक्ति राष्ट्र बैंकको एकीकृत निर्देशन विपरित भएको र यसमा स्वयम् राष्ट्र बैंकका केहि अधिकारीहरुकोसमेत मिलेमतो भएको दाबी सहित उनीहरु अख्तियार पुगेका हुन् ।

बैंकका एक सिनियर अधिकारीले अख्तित्यारमा उजुरी गरेको पुष्टी गरेका छन् । नेपाल राष्ट्र बैंकले‘क’ वर्गका वाणिज्य बैंकलाई जारी गरेको एकीकृत निर्देशनको संस्थागत सुशासनसम्बन्धी व्यवस्था इ. प्रा.निर्देशन नंं. ६-०८१ को निर्देशन नम्बर २० (३) मा रहेको व्यवस्था लेखिएको, ‘इजाजतपत्रप्राप्त क वर्गका वाणिज्य बैंकमा कार्यरत दोस्रो वरियताको पदाधिकारी सेवाबाट हटेपछि ६ महिनाको अवधि व्यतित नभई इजाजतपत्रप्राप्त संस्थाको समान प्रकृतिको पदमा नियुक्ति हुन पाउने छैन ।’ भन्ने व्यवस्था विपरित शाक्यको नियुक्ति भएको उजुरीमा दाबी गरिएको छ ।

उजुरीमा नबिल बैंकमा सिनियर डेपुटी सीइओ रहेका उनी ६ महिनाको कुलिङ्ग पिरियड नसकी अर्को इजाजतप्राप्त बैंक तथा वित्तीय संस्थामा जान नै नमिल्ने भएका सो व्यवस्था विपरित भएको नियुक्तिबारे अनुसन्धान गरी कारवाही गरी पाउँ भन्ने माग गरिएको छ । शाक्य बैंकमा ३० दिन भित्र हाजिर गर्ने सहमति छ । अव अख्तियारले यो कुरालाई कसरी अगाडी बढाउँछ भन्ने विषयले उनको नियुक्तिबारे राष्ट्र बैंकको थप व्याख्या आउने अपेक्षा गरिएको छ । यद्यपी यसरी अरु बैंकको डेपुटी सीइओलाई बैंकले सीइओ बनाउँदै ल्याउने हो बहने कुलिङको मर्म माथि नै प्रहार भएको कर्मचारीहरु दाबी गर्छन् ।

शाक्यका विषयमा एनआईसी एशिया बैंकमा चरम मतभेद छ । बिग्रिरहेको बैंकलाई शाक्यजस्तो सीइओ भएर पछिल्लो समय कुनै पनि बैंकमा काम नगरेका व्यक्तिले चलाउन नसक्ने र उनले केहि व्यक्तिगत इगो साँधेर कर्मचारीहरु हटाउन लागेको भन्दै कर्मचारीहरु त्राहिमाम छन् । ‘शाक्य सरले नाम नै किटेर फलानो फलानो मान्छे म आएपछि हट्नुपर्छ भन्नुभएको रहेछ । यस्तो इगो देखाउनेले बैंक कसरी चलाउँछ ?’ बैंकका एक सिनियर अधिकारीले भने, ‘शाक्यले केहि मिडियाकर्मीहरुलाई भेटेर नै आफु विरुद्ध समाचार नलेख्न भनेका रहेछन् । अव हामीलाई केहि तथष्ट मिडियाहरुको सहयोगको खाँचो छ ।’