सुनिता शर्मालाई बैंकबाट हटाउन संचालकहरुको दबाब, ‘खतिवडा र कोइरालाले मान्दै मानेनन् !’

काठमाडौँ । नियम विपरित काम गर्ने, गैरकानुनी हर्कत गर्ने, मिडियाकर्मी माथि दुर्व्यवहार गर्ने लगायतका काम गरेको प्रमाणित भएपछि विवादित बनेकी माछापुच्छ्रे बैंककि ब्राण्ड विभागमा कार्यरत कर्मचारी सुनिता शर्मालाई हटाउन बैंकका संचालकहरुले दबाब दिएका छन् । संचालक समितिलाई नै परामर्श नगरी कर्मचारीको प्रमोसन गरेको विषयमा रिसाएका केहि संचालकहरुले तत्काल शर्मालाई हटाउन वा विभागमा सरुवा गर्न दबाब दिएका हुन् ।

बैंकका संचालकले आफुले बैंकका सीइओलाई सुनिता शर्मालाई हटाउन ताकेता गरेको स्वीकार गरेका छन् । ‘बैंककी एउटी मामुली कर्मचारीलाई जोगाउन सीइओ र सुनिलजी किन मरिहत्ते गरिरहनु भएको छ, यो विषयमा हामी आन्तरिक छलफल गर्दैछौँ । तर अव सुनिताजी सो पदमा रहेर बैंकलाई घाटा मात्र हुन्छ ।’ ती संचालकले भने ।

ती संचालकका अनुसार शर्माकै कारण अहिले बैंक भित्रको वातावरणसमेत बिग्रिरहेको छ । ‘सुनिताजीलेचाहिं जे गर्दा पनि माफ ? अरुलाई मात्र कारवाही ?’ भन्ने प्रश्न उठ्दा गलत गर्ने अरु कर्मचारीलाई पनि कारवाही गर्न नैतिक संकट परिरहेको छ ।’ ती संचालकले अर्थ खबरसँग भने, ‘तर सीइओ सर र सुनिलजीलाई बैंकको एक मात्र काम भनेको सुनिताजीको जागिर जोगाउने मात्र हो भन्ने लागेको हो कि, त्यस्तै व्यवहार देखिएको छ ।’

उनका अनुसार सुनिताको भन्दा निकै कम गल्ती गर्नेहरुलाई बैंकले निकाल्नेसम्मको काम बिगतमा गरेको छ । ‘अरु कर्मचारीलाई सामान्य गल्तीमा बैंकबाट निकाल्ने काम भएको थियो । अनि सुनिता जीचाहिं प्रधानमन्त्री हो र ? जे गर्दा पनि बैंकले कारवाही गर्न नपर्ने ?’ ती संचालकले भने ।

उनले बैंकमा प्रमोसनको विषय पनि विवादित भएकाले आउँदो बोर्ड बैठकमा अन्य संचालकले सोको विषय उठाउने तयारी गरेको दाबी गरे । ‘अस्ति एचआर कमिटीको बैठक बसेको थियो । त्यसमा पनि प्रमोसन र सुनिताजीको कुरा उठेको थियो । एउटा व्यक्तिका लागि बैंकको ब्राण्ड नै किन सति जाने भन्ने विषय पनि उठेको थियो । तर सीइओ र सुनिल खतिवडाले बरु बैंक डुबोस्, सुनिताजीको जागिर जोगिनुपर्छ जस्तो कुरा गरेपछि विवाद झन् बल्झिएको छ । हेरौं बोर्ड बैठकमा के हुन्छ । तर, यति कुरा उठेपछि अव सुनिताजीलाई विदा दिनुपर्छ भन्ने प्रस्ताव संचालकहरुको थियो । सुनिल खतिवडाले सुनितालाई निकाले आफु पनि बैंक छोड्नेजस्तो घुमाउरो धम्की दिनुभयो । सीइओ सरले पनि मान्नुभएन ।’

यता, बैंकका सूचना अधिकारी सुनिल खतिवडाले भने शर्माले आफुले गरेको सबै गल्तीका लागि माफी मागिसकेकाले यो विषयलाई ठुलो नबनाउन आग्रह गरे । ‘उहाँले केहि गलत काम गर्नुभएकै हो । तर, त्यसका लागि उहाँले माफी मागीसक्नु भयो । अव यो विषयलाई ठुलो नबनाउँदा राम्रो हुन्छ ।’ खतिवडाले भने ।

यता शर्माले पनि आफुले गैरकानुनी काम गरेको स्वीकारेका छिन् । ‘ह्युमन इरर भएको हो । मैले मेरो गल्तीका लागि माफी मागीसकें ।’ शर्माले भनिन् ।