हाकिमहरु पक्राउ परेपछि प्रभु बैंकका रविन्द्र ढकाल पनि ‘सम्पर्कविहीन’ ! कर्मचारी भन्छन् – ‘उहाँ भागिसक्नुभयो’

काठमाडौँ । प्रभु बैंकका सीइओ, डेपुटी सीइओसहितका कर्मचारीहरु पक्राउ परेपछि बैंकका सूचना अधिकारी रविन्द्र ढकाल पनि सम्पर्कविहीन भएका छन् । बैंकका उच्च पदस्तहरु पक्राउ परेपछि सहि सूचना दिनुपर्ने बेलामा उनी सम्पर्कविहीन भएका हुन् ।

यस्तो अवस्थामा सबैको सम्पर्कमा हुनुपर्ने उनी आफैं फोन उठाउन छोडेका छन् । प्रभु बैंकका कर्मचारीहरुले उनी अन्य हाकिम पक्राउ परेसँगै बैंकबाट भागेको दाबी गरेका छन् ।

उनी पक्राउ परेका बैंकका डेपुटी सीइओ मणिराम पोखरेलका खास मान्छे मानिन्छन् । मणिराम पोखरेल पक्राउ परेसँगै उनी पनि बैंकबाट भागेको कर्मचारीहरुको दाबी छ ।

यस विषयमा सम्पर्क गर्न खोज्दा उनले फोन उठाएका छैनन् ।