सुनचाँदीको मूल्यमा आजपनि नयाँ रेकर्ड कायम, कतिमा हुँदैछ कारोबार ?

काठमाडौँ । बुधबार पनि  सुनको मूल्यमा नयाँ रेकर्ड कायम भएको छ । नेपाल सुनचाँदी व्यवसायी महासंघका अनुसार आज सुनको भाउ तोलामै १ हजार ५ सय रुपैयाँले बढेर नयाँ रेकर्ड कायम  गरेको हो। यो सँगै यसदिनका लागि सुनको भाउ प्रतितोला २ लाख ७८  हजार कायम भएको छ ।

कारोबारको अघिल्लो दिन सुनको भाउ प्रतितोला २ लाख ७६ हजार ५ सय रुपैयाँमा कारोबार भएको थियो।

त्यस्तै, आज चाँदीको मूल्य पनि ३१५ रुपैयाँले बढेर नयाँ रेकर्ड कायम गरेको छ । यो बढोत्तरीसँगै आज चाँदीको भाउ प्रतितोला ५६५५ रुपैयाँमा कारोबार भएको छ।