नवलपुर २ मा रास्वपाबाट मनिष खनालको जित प्रवल

काठमाडौँ । राष्ट्रिय स्वतन्त्र पार्टी (रास्वपा) का तर्फबाट नवलपुर क्षेत्र नम्बर-२ मा उम्मेदवारी दिएका युवा नेता मनिष खनाल यतिबेला चुनावी प्रचारप्रसारमा सक्रिय रूपमा जुटिरहेका छन्। निर्वाचन मिति नजिकिँदै गर्दा उनले घरदैलो अभियानलाई तीव्र बनाएका छन् र मतदातासँग प्रत्यक्ष भेटघाट गरिरहेका छन्।

देशभर रास्वपाप्रति बढ्दो आकर्षण देखिएको अवस्थामा नवलपुर क्षेत्र नम्बर २ मा पनि पार्टीको पक्षमा सकारात्मक माहोल देखिएको छ। युवा उम्मेदवारका रूपमा प्रस्तुत भएका खनालले विकास, पारदर्शिता र नयाँ राजनीतिक संस्कृतिको एजेन्डासहित मतदातासँग समर्थन मागिरहेका छन्।

स्थानीयस्तरमा उनको सक्रियता र युवापुस्तामाझको लोकप्रियताका कारण उक्त क्षेत्रमा उनको जितको सम्भावना बलियो देखिएको राजनीतिक विश्लेषकहरू बताउँछन्।