आइतबार ह्वात्तै घट्यो सुनचाँदीको मूल्य, कतिमा हुदैछ कारोबार ?

काठमाडौं । नेपाली बजारमा आइतबार सुनचाँदीको मूल्य ह्वात्तै घटेको छ । नेपाल सुनचाँदी व्यवसाय महासंघका अनुसार आज सुनको मूल्य तोलामा ८ हजार २ सय रुपैयाँले घटेको हो । यो सँगै आज सुन प्रतितोला ३ लाख ८०० रुपैयामा कारोबार भईरहेको छ।

कारोबारको अघिल्लो दिन शुक्रबार सुन प्रतितोला ३ लाख ९ हजार रुपैयाँमा कारोबार भएको थियो ।

त्यस्तै, आज चाँदीको मूल्य पनि घटेको छ। आज चाँदीको मूल्य तोलामा ३ सय ३५ रुपैयाँले घटेर प्रतितोला ४ हजार ८ सय ९५ रुपैयामा कारोबार भएको छ ।

शुक्रबार चाँदीको मूल्य ५ हजार २३० रुपैयाँमा कारोबार भएको थियो ।