मुख्यमन्त्री विजयको ‘शुभ साइत’ मोह: आफ्नै ज्योतिषीलाई बनाए सरकारको ओएसडी

काठमाडौँ । तामिलनाडुका नवनियुक्त मुख्यमन्त्री सी. जोसेफ विजयले ज्योतिषीय सल्लाहलाई प्रशासनिक मान्यता दिँदै आफ्ना निजी ज्योतिषीलाई सरकारी ओएसडी (Officer on Special Duty) नियुक्त गरेका छन्।

नियुक्तिको विवरण:
• मुख्यमन्त्री विजयले थिरु रिकी राधन पण्डित वेट्रिवेल (Thiru Rickey Radhan Pandit Vettrivel) लाई मुख्यमन्त्रीको विशेष कार्य अधिकारी (राजनीतिक) पदमा नियुक्त गरेका हुन्।
• सार्वजनिक विभागले मे १२, २०२६ मा जारी गरेको आधिकारिक पत्र (Office Proceedings No. 675) अनुसार यो नियुक्ति तत्कालै लागू हुनेछ।
• पण्डित वेट्रिवेलले मुख्यमन्त्रीका लागि राजनीतिक र रणनीतिक सल्लाहकारका रूपमा काम गर्ने जिम्मेवारी पाएका छन्।

ज्योतिषीय साइनो र राजनीतिक चर्चा:
मुख्यमन्त्री विजयले आफ्नो शपथ ग्रहणको समय समेत ज्योतिषीय परामर्शका आधारमा शुभ साइत हेरेर तय गरेका थिए। आफ्ना विश्वासपात्र र चुनावी परिणामको सही भविष्यवाणी गरेका भनिएका राधन पण्डितलाई सिधै सरकारी ओएसडी बनाउने निर्णयले अहिले तामिलनाडुको राजनीतिमा नयाँ बहस सिर्जना गरेको छ।

विजयको सुरुवाती कदम:
तमिलगा भेट्री कझगम (TVK) मार्फत सत्तामा आएका विजयले हालै मात्र मे १० मा मुख्यमन्त्रीको सपथ लिएका हुन्। उनले पदभार सम्हाल्ने बित्तिकै २०० युनिट निःशुल्क बिजुली र महिला सुरक्षा सम्बन्धी महत्वपूर्ण फाइलहरूमा हस्ताक्षर गरिसकेका छन्।