म्याक्स टाइगरको ‘एनर्जाइज्ड दशैं धमाका’ : क्यानमै कार, बाइक र स्कुटरको सरप्राइज उपहार

काठमाडौं । नेपालीहरूको महान् चाड दशैंको अवसर पारेर इनर्जी ड्रिङ्क ब्रान्ड म्याक्स टाइगरले आफ्ना उपभोक्ताहरूका लागि आकर्षक उपहार योजना ‘दशैं धमाका २०२६’ सार्वजनिक गरेको छ । चाडपर्वको उमङ्ग र उत्साहलाई थप रोमाञ्चक बनाउने उद्देश्यसहित कम्पनीले क्यानभित्रै भव्य उपहारहरू जित्न सकिने नयाँ अभियान बजारमा ल्याएको हो ।

ललितपुरको पुल्चोकस्थित ‘द प्लाजा’मा आयोजित एक विशेष कार्यक्रमका बीच कम्पनीले ‘दशैं धमाका २०२६’ अभियानको औपचारिक घोषणा गरेको छ । यस योजनाअन्तर्गत देशभर वितरण गरिने विशेष पुरस्कारयुक्त क्यान खरिद गर्ने उपभोक्ताहरू नै प्रत्यक्ष रूपमा विजेता बन्ने व्यवस्था गरिएको छ ।

यस अभियानअन्तर्गत कुल ३६ जना भाग्यशाली विजेताले दुईपाङ्ग्रे सवारीसाधन प्राप्त गर्नेछन्। जसमा १८ जनाले यामाहा एफजेड–एफआई मोटरसाइकल र १८ जनाले यामाहा रे–जेडआर स्कुटर जित्न सक्नेछन् । त्यस्तै, अभियानको सबैभन्दा ठूलो र मुख्य आकर्षणका रूपमा रहेको बम्पर उपहारअन्तर्गत एक जना भाग्यशाली विजेताले ‘प्रोटोन (एचयतयल) कार’ प्राप्त गर्ने कम्पनीले जनाएको छ ।

दशैं किनमेल, भेटघाट र पारिवारिक जमघटको विशेष समय भएको उल्लेख गर्दै कम्पनीले यही माहोलमा स्वाद र ऊर्जासँगै आकर्षक पुरस्कारको रोमाञ्च थप्न अभियान ल्याइएको बताएको छ । देशभरका बजारमा पुरस्कारयुक्त क्यानहरू उपलब्ध गराइसकिएकाले उपभोक्ताले क्यान खोल्दा नै आफूलाई परेको सरप्राइज उपहारबारे तत्काल जानकारी पाउनेछन् । चाडपर्वको खुसीलाई दोब्बर बनाउँदै उपभोक्ताको ऊर्जालाई ब्रान्डसँग जोड्न र सम्बन्ध थप प्रगाढ बनाउन यस अभियानले महत्त्वपूर्ण भूमिका खेल्ने विश्वास कम्पनीको छ ।