अन्डाको भाउ फेरी बढ्यो, प्रतिक्रेट कति पुग्यो ?

काठमाडौँ। अन्डाको भाउ फेरी बढेको छ। नेपाल लेयर्स कुखुरापालक संघले आज सोमबारदेखि लागु हुने गरी अन्डाको भाउ बढाएको हो।

अन्डाको उत्पादन घटेको र खपत बढेको भन्दै अन्डाको भाउ प्रतिक्रेट ५० रुपैयाँ बढाइएको संघले जनाएको छ। भाउ बढेसँगै ठूलो अन्डाको मूल्य प्रतिक्रेट ५ सय रुपैयाँ र मध्यम अन्डाको ४ सय ५० रुपैयाँ पुगेको छ।

यो मूल्यवृद्धि चितवनलाई आधार बनाएर निर्धारण गरिएको हो । उपभोक्ताका लागि एउटा अन्डाको खुद्रा मूल्य भने २२ रुपैयाँकै हाराहारीमा रहेको छ।