Exclusive : कुमारी बैंकले सार्वजनिक गर्ने वित्तीय विवरण नै ‘फेक’ हुने गरेको खुलासा, इमेलमै भनियो -‘फाइल लुकाउनू’

काठमाडौँ । कुमारी बैंक लिमिटेडले ‘फेक’ वित्तीय विवरण सार्वजनिक गर्ने गरेको खुलासा भएको छ । बैंकले इमेल नै गरेर कर्मचारीहरुलाई प्रोभिजनिङ गर्नुपर्ने फाइल लुकाउन भनेको पाइएसँगै बैंकभित्रको यो बदमासी छताछुल्ल भएको हो ।

अव बुझौं, कुमारी बैंकले सार्वजनिक गर्ने रिपोर्ट कसरी फेक भयो भन्ने विषय ।
नेपाल राष्ट्र बैंकको प्रचलित कानुनी व्यवस्था अनुसार कुनै पनि बैंक तथा वित्तीय संस्थाले लिलामी प्रक्रिया अगाडी बढाएको फाइल अनिवार्य रुपमा ‘प्रोभिजनिङ’ गर्नुपर्छ । तर कुमारी बैंकले भने लिलामी प्रक्रिया सुरु भईसकेको फाइलमा आवश्यक प्रोभिजन नै गरेन । बरु उल्टै, राष्ट्र बैंकको आँखा छल्न बैंकले ती फाइलहरु छुट्टै राख्न निर्देशन दियो । यसको अर्थ आफ्नो आन्तरिक प्रयोजनका लागि फाइल छुट्टै र राष्ट्र बैंकले खोजेको खण्डमा देखाउन छुट्टै फाइल राख्न भनियो, र त्यसै गरियो ।

यसरी कुमारी बैंकले लिलामी प्रक्रिया सुरु गरिसकेका फाइललाई पनि ‘सक्रिय कर्जा’ भनेर एकातर्फ एनपीएल लुकायो भने अर्कोतर्फ राष्ट्र बैंकको आँखामा छारो हाल्यो ।

बैंकका कर्मचारीहरुले यसो नगरौं भन्दा भन्दै ‘तिमीहरुले बैंकिङ के हो नासिकाउ न !’ भन्दै डेपुटी सीइओ सुधिर नाथ पाण्डे र सीइओ रामचन्द्र खनालको ठाडो निर्देशनमा यसरी गलत काम भएको कर्मचारीहरुको दाबी छ ।

ती कर्मचारीहरुका अनुसार यस्तो गलत काम सुरुमा एनआईसी एशियामा हुने गरेको थियो, र सो कामको लिड सुधिर नाथ पाण्डेले गर्ने गरेका थिए । अहिले तिनै पाण्डे कुमारी बैंक आएपछि सोहि बदमासी गर्ने तरिका कुमारी बैंक पनि भित्र्याएको कर्मचारीहरुको आरोप छ ।

लिलामी प्रक्रियामा जाने, त्यसपछि डराएका ऋणीबाट केहि भए पनि पैसा उठाउने रणनीति बैंकले लिएको पाइन्छ । तर राष्ट्र बैंकको प्रचलित व्यवस्थामा यो प्रक्रिया सुरु हुने बित्तिकै सो बैंकले सो ऋण प्रोभिजन गर्नुपर्छ । तर बैंकले त्यसो नगरी, सिधै त्यसलाई गुड लोन भनेर बुक गरी रिपोर्ट सार्वजनिक गरेको छ ।

यस्तो गलत कामको पछाडी अर्को खेल पनि प्रष्ट देखिन्छ । बैंकले यस्तै बदमासी गरेर ४५ हजार प्रतिसत सम्म नाफा बढाएको भन्दै रिपोर्ट निकाल्यो । सोझा सेयर लगानीकर्ताले सो सेयर किने, बैंकको भित्री बिजोग स्थिति थाहा पाएकाले बेचे । सो रिपोर्ट सार्वजनिक भएको दिन सेयर किन्नेहरु सबै फसे, र अहिले पनि फसिरहेका छन् । सेयर बजारमा पनि यस्तो कामलाई गैरकानुनी मानिन्छ ।

के भन्छ बैंक ?
यस विषयमा बैंक भने अस्पष्ट जवाफ दिन्छ । बैंकका सूचना अधिकारी चन्दन कार्कीले बैंकले फेक रिपोर्ट सार्वजनिक गरेको भए राष्ट्र बैंक र इन्टरनल अडिटसमेतले हेर्ने बताए । तर फाईल नै लुकाएपछि राष्ट्र बैंकले के हेर्ने, र सीइओले नै रुल गर्ने इन्टरनल अडिटले जागिरको माया मारेर कसरी यो विषय हेर्छ र भन्ने विषयमा भने कार्कीले जवाफ नै दिन सकेनन् ।

Exclusive : कुमारी बैंकमा ‘चोर बाटो’बाट पुनर्नियुक्तिका नाममा १८ जनाको ‘गैरकानुनी बढुवा’ ! (इन्टरनल मेमोसहित)

कुमारी बैंकले खनाललाई हटाएर पाण्डेलाई सीइओ बनाउन खोजेको हो ? यसो भन्छ बैंक…

हाकिमको गलत हठले कालोसूचीमा परेको खातामा पनि काररोबार गर्न दिँदा कुमारी बैंक कारवाहीमा !