शुक्रबार ह्वात्तै बढ्यो सुनको मूल्य, चाँदीको मूल्यमा नयाँ रेकर्ड

काठमाडौँ। साताको कारोबारको अन्तिम दिन शुक्रबार सुनको मूल्य ह्वातै बढेको छ। नेपाल सुनचाँदी व्यवसायी महासंघका अनुसार आज सुनको मूल्य तोलामा ३ हजार ५ सय रुपैयाँले बढेको हो।  यो बढोत्तरी सँगै आजका लागि सुनको भाउ तोलामा २ लाख ५६ हजार ६ सय रुपैयाँ कायम भएको छ ।

कारोबारको अघिल्लो दिन बिहिबार  २ लाख ५३ हजार १ सय रुपैयाँमा कारोबार भएको थियो।

त्यस्तै, आज पनि चाँदीले नयाँ रेकर्ड कायम गरेको छ। आज चाँदीको भाउ तोलामा १ सय रुपैयाँले बढेर प्रतितोला ३ हजार ९०५ रुपैयाँमा कारोबार भइरहेकाे छ।