मतपेटिकामा ढोगेर रविले गरे मतदान

काठमाडौँ। राष्ट्रिय स्वतन्त्र पार्टी (रास्वपा) सभापति रवि लामिछानेले मतपेटिकामा ढोगेर मतदान गरेका छन् ।काठमाडौं क्षेत्र नम्बर-३ स्थित उपत्यका खानेपानी लिमिटेडको महांकाल चौरस्थित मतदानस्थलबाट लामिछानेले मतदान गरेका हुन्।

मतदानपछि सञ्चारकर्मीहरूसँग कुरा गर्दै सभापति लामिछानेले यो निर्वाचनले मुलुकमा नयाँ युगको सुरुवात गर्ने विश्वास व्यक्त गरे ।‘विगतका अन्य चुनाव भन्दा यो निकै महत्वपूर्ण छ। त्यसकारण अलिक भावुक पनि भए म अहिलेको परिस्थितीलाई हेरेर’ लामिछानेले भने, ‘यो ऐतिहासिक हुन्छ भनेर अपेक्षा गरेको छु ।’

लामिछाने आफू चितवन–२ बाट चुनावी प्रतिस्पर्धामा भए तापनि उनको मतदाता नामावली काठमाडौै–३ मा रहेकाले उनले सोही केन्द्रबाट मतदान गरेका हुन् ।