आइतबार ह्वात्तै घट्यो सुनचाँदीको मूल्य, कतिमा हुँदैछ कारोबार ?

काठमाडौँ। साताको कारोबारको पहिलो दिन आइतबार सुनचाँदीको मूल्य ह्वात्तै घटेको छ। नेपाल सुनचाँदी व्यवसायी महासंघका अनुसार आज सुनको मूल्य तोलामा ४ हजार ५ सय रुपैयाँले घटेको हो । योसँगै आज सुन प्रतितोला २ लाख ९४ हजार रुपैयाँमा कारोबार भईरहेको छ ।

कारोबारको अघिल्लो दिन शुक्रबार सुन प्रतितोला २ लाख ९८ हजार ५ सय रुपैयाँमा कारोबार भएको थियो।

त्यस्तै, आज चाँदीको मूल्य पनि घटेको छ। आज चाँदीको मूल्य तोलामा ३ सय ३० रुपैयाँले घटेर प्रतितोला ५ हजार ६० रुपैयाँमा कारोबार भईरहेको महासंघले जनाएको छ ।