सिटी एक्सप्रेस ग्रुपद्वारा बाढी प्रभावितलाई १ करोड ११ लाख सहयोग

काठमाडौँ। सिटी एक्सप्रेस ग्रुपले बाढी तथा विपद् प्रभावितका लागि प्रधानमन्त्री दैवी प्रकोप राहत कोषमा १ करोड ११ लाख रुपैयाँ सहयोग गरेको छ। भोटेकोशीमा आएको बाढी प्रभावितको खोजी, उद्धार, राहत तथा पुनस्र्थापनाका लागि ग्रुपले प्रधानमन्त्री दैवीप्रकोप उद्धार कोषमा उक्त रकम जम्मा गरेको हो।

प्राकृतिक विपद्का कारण रसुवा, नुवाकोट, धादिङ, गोरखा, तनहुँ, चितवन लगायतका जिल्लामा मानवीय तथा भौतिक क्षति र नागरिकको दैनिक जीवन प्रभावित क्षेत्र र समुदायलाई सहयोग गर्ने उदेश्यले कोषमा रकम जम्मा गरिएको सिटी एक्सप्रेस ग्रुपले जनाएको छ ।

कम्पनीले विपद्को कठिन घडीमा विदेशमा रहेका नेपालीले आफ्ना परिवारलाई छिटो, सहज र पूर्ण रकमसहित आर्थिक सहयोग पठाउन सकून भन्ने उद्देश्यले विश्वका विभिन्न मुलुकबाट नेपाल पैसा पठाउँदा लाग्ने सेवा शुल्क पूर्ण रूपमा मिनाहा गर्ने निर्णय बाढी आएको दिनदेखि नै लागु गरेको पछिल्लो विज्ञप्तिमा उल्लेख छ ।

विनाशकारी बाढीमा परी ज्यान गुमाएका नागरिकहरूप्रति हार्दिक श्रद्धाञ्जली तथा शोकसन्तप्त परिवारजनमा गहिरो समवेदना प्रकट गर्दै यस संवेदनशील समयमा उद्धार, राहत तथा पुनस्र्थापना कार्यमा अहोरात्र खटिनुभएका सुरक्षाकर्र्मी, स्वयंसेवक, स्थानीय समुदाय तथा सम्बन्धित निकायहरूप्रति हार्दिक कृतज्ञता समेत व्यक्त गरेको छ ।

सिटी एक्सप्रेस मनि ट्रान्सफरले रेमिटान्स क्षेत्रमा आफ्नो छुट्टै पहिचान बनाउदै बिगत २० वर्ष देखि संसारभरबाट विप्रेषण सेवा प्रदान गर्दै आइरहेको छ ।