समस्याग्रस्त सहकारीका ७९ जना बचतकर्ताको रकम फिर्ता

काठमाडौँ। समस्याग्रस्त सहकारीका ७९ जना बचतकर्ताले रकम फिर्ता पाएका छन् । समस्याग्रस्त सहकारी व्यवस्थापन समितिले ६ सहकारीका ७९ जना बचतकर्ताको रकम फिर्ता गरेको हो।

समितिका अनुसार गोरखाका २५ जना, गौतमश्रीका ६ जना, शिव शिखरका १३ जना, आइडियल यमुनाका ३ जना, ओरिएन्टल कोअपरेटिभका ३ जना र कान्तिपुर सहकारीका २९ जना बचतकर्ताको रकम फिर्ता गरिएको छ ।

सहकारीका ऋणीबाटै रकम असुली गरि बचतकर्तालाई रकम फिर्ता गरिएको समितिले जनाएको छ।

पहिलो चरणमा साना बचतकर्ताको रकम फिर्ता गर्न सुरु गरेको समितिले क्रमशः अन्य बचतकर्ताको पनि रकम फिर्ता गरिने जनाएको छ ।