नेशनल लाइफ इन्स्योरेन्सको अचम्मको भ्याकेन्सी सूचना, परीक्षामा पास भएकालाई भन्दा फेल भएकालाई प्राथमिकता !

काठमाडौँ । नेशनल लाइफ इन्स्योरेन्सले अचम्मको भ्याकेन्सी सूचना प्रकाशन गरेको छ । कम्पनीले इन्टरनल अडित विभागका लागि २ जना कर्मचारी माग गर्दा सिए पास भईसकेकालाई भन्दा सिएको फाइनल परिक्षामा फेल भएकाहरुलाई प्राथमिकता दिनेगरी सूचना निकालेको हो ।

कम्पनीले सिएलाई भन्दा सेमीक्वालिफाइड सिएलाई प्राथमिकता दिने भनेको छ । सिएको आर्टिकलशिप समय सकेर अन्तिम परिक्षामा पास नभएकाहरुलाई सेमीक्वालिफाइड भनिने गरिएको छ ।

सेमी क्वालिफाइडलाई भर्ती गर्दा सिएको तुलनामा सस्तो पर्ने हुँदा यस्तो गरिएको कम्पनीले दाबी गरेको छ ।

सिएलाई भन्दा पास नभएका सेमी क्वालिफाइडलाई प्राथमिकता भनेर निकालिएको यो भ्याकेन्सीले सिए क्षेत्रमा धेरैलाई अचम्मित तुल्याएको छ ।