प्रकाउ परेका पूर्वऊर्जामन्त्री दीपक खड्कापनि अस्पताल भर्ना

काठमाडौँ। प्रकाउ परेका पूर्वऊर्जामन्त्री एवं कांग्रेस नेता दीपक खड्का अस्पताल भर्ना भएका छन् । आइतबार पक्राउ परेका खड्कालाइ आज बिहान ३ बजे त्रिवि शिक्षण अस्पतालमा भर्ना गरिएको हो। उनलाई १०२९ बेड नम्बरमा भर्ना गरिएको छ ।

खड्कालाइ ७ दिन थुनामा राखेर अनुसन्धान गर्न आइतबार अदालतले अनुमति दिइसकेको छ ।

पूर्व ऊर्जा, जलस्रोत तथा सिँचाइमन्त्री खड्कालाई भदौ २४ गतेको जेनजी आन्दोलनको उनको घरमा बरामद भएको रकमको अनुसन्धान गर्न नियन्त्रणमा लिइएको गृहमन्त्री सुधन गुरुङले नै बताएका थिए ।खड्काको घरमा जलेको अवस्थामा भेटिएको रकमको विषयमा सम्पत्ति शुद्धीकरण अनुसन्धान विभागले अनुसन्धान गरिरहेको छ ।

विभागले यसअघि नै खड्काको घरबाट जलेका नोटका केही टुक्रा र वरपरबाट खरानी संकलन समेत गरेको थियो ।

जेनजी आन्दोलन दमन गरेको आरोपमा शनिबार पक्राउ परेका पूर्वप्रधानमन्त्री केपी शर्मा पनि त्रिवि शिक्षण अस्पतालमै भर्ना भएका छन् ।