एनआईसी एशिया बैंकले लिलाम गरेको सम्पत्ति दुर्गा प्रसाईंका कार्यकर्ताले गरे कब्जा, ‘सीइओ मुर्दाबाद’को नारा !

काठमाडौँ । बाणिज्य बैंकहरुमध्ये सबैभन्दा कमजोर र सबैभन्दा विवादित बैंक एनआईसी एशिया बैंकले लिलाम गरेको जग्गा दुर्गा प्रसाईंका कार्यकर्ताले कब्जा गरेका छन् । बैंकको बुटवल शाखाले लिलाम गरेको सम्पत्ति प्रसाईंका कार्यकर्ताले कब्जा गरेका हुन् ।

बैंकले करिब ४० करोड रुपैयाँ मूल्य पर्ने सम्पत्ति १० करोड रुपैयाँमा लिलाम गरेको भन्दै आफुहरुले कब्जा गरेको उनीहरुको तर्क छ ।प्रसाईंका कार्यकर्ताले सो सम्पत्तिमा लगाइएको चाबी फोडेका छन् भने बैंकको बोर्ड च्यातेर फालेका छन् । उनीहरुले सो सम्पत्तिमा राखिएका सुरक्षा गार्डलाईसमेत नियन्त्रणमा लिएका छन् ।

प्रसाईंका कार्यकर्ताले ‘एनआईसी एशिया बैंकका सीइओ मुर्दाबाद, व्यवसाय गरेर बाँच्न पाउनुपर्छ’ लगायतका नारा लगाएका थिए ।